اتىراۋدا NCOC قىزمەتكەرٸنەن كوروناۆيرۋس تابىلدى, دەپ حابارلايدى "ۇلت اقپارات".
جەرگٸلٸكتٸ «اقجايىق» گازەتٸنٸڭ جازۋىنشا, كومپانييانىڭ «ۆەست ويل» بازاسىنداعى قىزمەتكەرلەرٸنٸڭ بٸرٸ قاۋٸپتٸ ٸندەتتٸ جۇقتىرعان.
«NCOC اۋتسورسينگ نىساندارىنىڭ بٸرٸندە جۇمىس ٸستەيتٸن كومپانييا قىزمەتكەرٸنەن COVID-19 سىناماسى وڭ نەتيجە كٶرسەتكەنٸن راستايمىز. بۇل نىسان ٶندٸرٸستٸك الاڭدار مەن كومپانييا كەڭسەلەرٸنەن قاشىقتا ورنالاسقان. قىزمەتكەر حاتتاماعا سەيكەس وقشاۋلاندى. جاقىن بايلانىستا بولعان ادامداردىڭ بارلىعى دەرەۋ انىقتالدى. ولاردىڭ بارلىعى پتر سىناماسىنان ٶتەدٸ. بۇل قىزمەتكەر ٶندٸرٸستٸك نەمەسە كەڭسە قىزمەتكەرلەرٸمەن بايلانىستا بولماعان. بٸز جاعدايدى مۇقييات قاداعالاپ وتىرمىز», - دەپ حابارلادى كومپانييانىڭ باسپاسٶز قىزمەتٸنەن.
