Atyraýda qalasynda múmkindigi shekteýli balalarǵa arnalǵan ortalyqtyń tárbielenýshisin urǵan qyzmetker jumystan shyǵarylyp, ortalyq basshysy qyzmetten shettetildi. Bul týraly Atyraý oblysy ákiminiń orynbasary Baqytkúl Hamenova málim etti, dep habarlaidy QazAqparat.
QR Prezidenti janyndaǵy Ortalyq kommýnkatsiialar qyzmetinde ótken baspasóz máslihatynda tilshi Atyraý oblysy ákiminiń orynbasary Baqytkúl Hamenovaǵa «Osydan 1 ai buryn Atyraý qalasyndaǵy múmkindigi shekteýli balalarǵa arnalǵan ortalyqta tárbielenýshilerdi urǵan degen qyzmetkerdiń máselesi nemen aiaqtaldy?», -degen saýalyn joldady.
«Ókinishke qarai, atalǵan jaǵdaidyń oryn alǵany ras. Degenmen búginde oblysta bala jaǵdaiy onyń ishinde erekshe balalardyń jaǵdaiy basty nazarda ekenin eske salǵym keledi. Oryn alǵan jaitqa kelsek, búginde is qaralyp, kináliler anyqtaldy. Prokýratýra qyzmetkerleriniń tekserisinen soń, ortalyqtyń 2 qyzmetkeri jumystan bosatyldy. Jáne mekeme basshysy da jumystan shettetildi. Biraqta atalǵan is boiynsha beinejazbanyń rastyǵyn politsiia qyzmetkerleri áli de bolsa tekserip jatyr», - dedi B. Hamenova óz jaýabynda.
