اتىراۋدا قالاسىندا مٷمكٸندٸگٸ شەكتەۋلٸ بالالارعا ارنالعان ورتالىقتىڭ تەربيەلەنۋشٸسٸن ۇرعان قىزمەتكەر جۇمىستان شىعارىلىپ, ورتالىق باسشىسى قىزمەتتەن شەتتەتٸلدٸ. بۇل تۋرالى اتىراۋ وبلىسى ەكٸمٸنٸڭ ورىنباسارى باقىتكٷل حامەنوۆا مەلٸم ەتتٸ, دەپ حابارلايدى قازاقپارات.
قر پرەزيدەنتٸ جانىنداعى ورتالىق كوممۋنكاتسييالار قىزمەتٸندە ٶتكەن باسپاسٶز مەسليحاتىندا تٸلشٸ اتىراۋ وبلىسى ەكٸمٸنٸڭ ورىنباسارى باقىتكٷل حامەنوۆاعا «وسىدان 1 اي بۇرىن اتىراۋ قالاسىنداعى مٷمكٸندٸگٸ شەكتەۋلٸ بالالارعا ارنالعان ورتالىقتا تەربيەلەنۋشٸلەردٸ ۇرعان دەگەن قىزمەتكەردٸڭ مەسەلەسٸ نەمەن اياقتالدى?», -دەگەن ساۋالىن جولدادى.
«ٶكٸنٸشكە قاراي, اتالعان جاعدايدىڭ ورىن العانى راس. دەگەنمەن بٷگٸندە وبلىستا بالا جاعدايى ونىڭ ٸشٸندە ەرەكشە بالالاردىڭ جاعدايى باستى نازاردا ەكەنٸن ەسكە سالعىم كەلەدٸ. ورىن العان جايتقا كەلسەك, بٷگٸندە ٸس قارالىپ, كٸنەلٸلەر انىقتالدى. پروكۋراتۋرا قىزمەتكەرلەرٸنٸڭ تەكسەرٸسٸنەن سوڭ, ورتالىقتىڭ 2 قىزمەتكەرٸ جۇمىستان بوساتىلدى. جەنە مەكەمە باسشىسى دا جۇمىستان شەتتەتٸلدٸ. بٸراقتا اتالعان ٸس بويىنشا بەينەجازبانىڭ راستىعىن پوليتسييا قىزمەتكەرلەرٸ ەلٸ دە بولسا تەكسەرٸپ جاتىر», - دەدٸ ب. حامەنوۆا ٶز جاۋابىندا.
