Atyraýda modýldik aýrýhanada dúniege kelgen úsh náresteden koronavirýs infektsiiasy anyqtalmady, dep habarlaidy "Ult aqparat".
Atyraý oblystyq densaýlyq saqtaý basqarmasynyń baspasóz qyzmeti taratqan aqparatqa súiensek, buǵan deiin, 18 naýryz ben 20 sáýir aralyǵynda modýldik aýrýhanada 8 sábi dúniege kelgen. Budan keiin, 8-19 sáýir aralyǵynda modýldik aýrýhanada kesar tiligi arqyly taǵy úsh náreste jaryq dúnie esigin ashqan.
«Nárestelerden koronavirýs infektsiiasy anyqtalǵan joq. Qazir náresteler oblystyq perinataldyq ortalyǵyna aýystyrylyp, neonatologtardyń baqylaýyna alyndy. Eki uldyń salmaǵy – 2,5 keli jáne 2,9 keli. Al, qyz 3 keli 380 gramm salmaqpen dúniege keldi. Bosanǵan áielderdiń birine eki jaqty polisegmentaldy pnevmoniia diagnozy qoiylǵan. Qazir ol hattamaǵa sáikes em alýda. Eki jas ananyń densaýlyǵyna tónip turǵan qaýip joq», - dep habarlady basqarmanyń baspasóz qyzmetinen.
