Atyraýda modýldi aýrýhanada shý shyǵarǵan naýqas úiine jiberildi, dep habarlaidy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, emdelýshi ózin aýrýhanada kúshtep ustap otyrǵany týraly video jariialaǵan.
«Onyń anasy aýrýhana ishine basyp kirip, dárigerlerdiń jumysyna kedergi keltirdi. Ózge emdelýshilerdiń mazasyn alyp, shý shyǵardy. Aýrýhana dárigerleri oǵan emdik sharalar qabyldanyp jatqanyn aitsa da qulaq aspaǵan. Sondai-aq, emdelýshi QR Bas memlekettik sanitariialyq dárigeriniń buiryǵyn buzyp, aýrýhana ishin videoǵa túsirgen. Osyǵan bailanysty №2 oblystyq aýrýhanasynyń ákimshiligi jalǵan aqparat taratyp, ony jariia etkeni úshin isti sotqa berýge daiyn», - dep málim etti №2 oblystyq aýrýhananyń ákimshiligi.
Aýrýhanaǵa túskende emdelýshide koronavirýs infektsiiasynyń belgisi anyqtalǵan. Sondai-aq, ekijaqty pnevmoniia diagnozy qoiylǵan.
«Anasy men kúieýi ekijaqty zańdy kýágerlerdiń qatysýymen qolhat jazyp, emdelýshi úiine jiberildi. Endi Mahambet aýdany turǵynyń densaýlyǵy ýchastelik dárigerlerdiń baqylaýynda bolady», - dep habarlady aýrýhananyń ákimshiligi.
