اتىراۋدا مودۋلدٸ اۋرۋحانادا شۋ شىعارعان ناۋقاس ٷيٸنە جٸبەرٸلدٸ, دەپ حابارلايدى قازاقپارات.
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, ەمدەلۋشٸ ٶزٸن اۋرۋحانادا كٷشتەپ ۇستاپ وتىرعانى تۋرالى ۆيدەو جارييالاعان.
«ونىڭ اناسى اۋرۋحانا ٸشٸنە باسىپ كٸرٸپ, دەرٸگەرلەردٸڭ جۇمىسىنا كەدەرگٸ كەلتٸردٸ. ٶزگە ەمدەلۋشٸلەردٸڭ مازاسىن الىپ, شۋ شىعاردى. اۋرۋحانا دەرٸگەرلەرٸ وعان ەمدٸك شارالار قابىلدانىپ جاتقانىن ايتسا دا قۇلاق اسپاعان. سونداي-اق, ەمدەلۋشٸ قر باس مەملەكەتتٸك سانيتارييالىق دەرٸگەرٸنٸڭ بۇيرىعىن بۇزىپ, اۋرۋحانا ٸشٸن ۆيدەوعا تٷسٸرگەن. وسىعان بايلانىستى №2 وبلىستىق اۋرۋحاناسىنىڭ ەكٸمشٸلٸگٸ جالعان اقپارات تاراتىپ, ونى جارييا ەتكەنٸ ٷشٸن ٸستٸ سوتقا بەرۋگە دايىن», - دەپ مەلٸم ەتتٸ №2 وبلىستىق اۋرۋحانانىڭ ەكٸمشٸلٸگٸ.
اۋرۋحاناعا تٷسكەندە ەمدەلۋشٸدە كوروناۆيرۋس ينفەكتسيياسىنىڭ بەلگٸسٸ انىقتالعان. سونداي-اق, ەكٸجاقتى پنەۆمونييا دياگنوزى قويىلعان.
«اناسى مەن كٷيەۋٸ ەكٸجاقتى زاڭدى كۋەگەرلەردٸڭ قاتىسۋىمەن قولحات جازىپ, ەمدەلۋشٸ ٷيٸنە جٸبەرٸلدٸ. ەندٸ ماحامبەت اۋدانى تۇرعىنىڭ دەنساۋلىعى ۋچاستەلٸك دەرٸگەرلەردٸڭ باقىلاۋىندا بولادى», - دەپ حابارلادى اۋرۋحانانىڭ ەكٸمشٸلٸگٸ.
