قازاقستاندا اۆتوجول سالاسىن رەفورمالاۋ, جول قۇرىلىسىنىڭ ساپاسىن ارتتىرۋ جەنە مەملەكەتتٸك قاراجاتتىڭ جۇمسالۋىن باقىلاۋدى كٷشەيتۋ ٷشٸن ٷكٸمەتتٸك جۇمىس توبى قۇرىلدى. تيٸستٸ ٶكٸمگە پرەمەر-مينيستر ولجاس بەكتەنوۆ قول قويدى, دەپ حابارلايدى ult.kz.
ٷكٸمەتتٸڭ مەلٸمەتٸنشە, جۇمىس توبى جول قۇرىلىسىنىڭ قولدانىستاعى جٷيەسٸن جەنە ساپانى باعالاۋ تەسٸلدەرٸن قايتا قارايدى. سونداي-اق قۇرىلىس ستاندارتتارى مەن نورمالارىن جاڭارتۋ, سالانى باسقارۋدىڭ جاڭا تەتٸكتەرٸن ەنگٸزۋ مەسەلەلەرٸ قاراستىرىلادى.
رەفورما اياسىندا تسيفرلىق شەشٸمدەردٸ پايدالانۋ ارقىلى جول ينفراقۇرىلىمىن جاقسارتۋ, مەملەكەتتٸك قاراجاتتىڭ تيٸمدٸ ەرٸ اشىق جۇمسالۋىن قامتاماسىز ەتۋ كٶزدەلگەن.
جۇمىس توبىنا پرەمەر-مينيستردٸڭ بٸرٸنشٸ ورىنباسارى جەتەكشٸلٸك ەتەدٸ. ونىڭ قۇرامىنا بٸرقاتار مينيسترلٸكتٸڭ باسشىلىعى, باس كٶلٸك پروكۋرورىنىڭ ورىنباسارى, «قازمۇنايگاز», «قازاۆتوجول» كومپانييالارىنىڭ, جول ساپاسىن باعالاۋ جەنە عىلىمي-زەرتتەۋ ۇيىمدارىنىڭ ٶكٸلدەرٸ, سونداي-اق سالا ساراپشىلارى مەن قۇرىلتاي دەپۋتاتتارى كٸردٸ.
ولجاس بەكتەنوۆ جۇمىس توبىنا 2026 جىلعى 1 جەلتوقسانعا دەيٸن اۆتوجول سالاسىن تٷبەگەيلٸ رەفورمالاۋ جٶنٸندە ۇسىنىستار ەزٸرلەۋدٸ تاپسىردى. ۇسىنىستار زاڭنامالىق ٶزگەرٸستەردٸ دە قامتۋى كەرەك.
