Atyraý qalasynda balabaqsha qyzmetkeri koronavirýs juqtyrdy, dep habarlaidy oblys ákiminiń baspasóz qyzmeti.
Atyraý qalalyq bilim berý bóliminiń málimetine súiensek, 8 maýsymda balabaqshada tańerteńgi saǵat 08.00-de jumysqa ruqsat alý úshin temperatýralyq tekseristen ótken qyzmetkerdiń dene qyzýy bolmaǵan. Alaida, respiratorlyq infektsiia belgileri anyqtalǵan soń, ol jumystan jedel bosatylǵan. Sol kúni turǵylyqty mekenjaiy boiynsha ýchaskelik dáriger jedel respiratorlyq aýrýdy rastap, qyzmetkerge eńbekke jaramsyzdyq paraqshasyn ashqan.
Al, 11 maýsymda balabaqshanyń qyzmetkerinen koronavirýsqa alynǵan synama oń nátije bergeni anyqtalǵan.
«Qazir balabaqshada tárbielenýshilerdi qabyldaý toqtatylyp, ǵimaratty zalalsyzdandyrý jumystary júrgizildi. Sonymen qatar, barlyq qyzmetkerden COVID-19 infektsiiasyna synama alý josparlanyp otyr. Al, naýqaspen jaqyn bailanysta bolǵan tárbielenýshilerden PTR-test synamasyn alý turǵylyqty mekenjailary boiynsha emhanalarda júrgiziledi», - delingen habarlamada.
Buǵan deiin Atyraý qalalyq ákimdigi men NCOC qyzmetkerinen koronavirýs tabylǵanyn jazǵan edik.
