اتىراۋ قالاسىندا بالاباقشا قىزمەتكەرٸ كوروناۆيرۋس جۇقتىردى, دەپ حابارلايدى وبلىس ەكٸمٸنٸڭ باسپاسٶز قىزمەتٸ.
اتىراۋ قالالىق بٸلٸم بەرۋ بٶلٸمٸنٸڭ مەلٸمەتٸنە سٷيەنسەك, 8 ماۋسىمدا بالاباقشادا تاڭەرتەڭگٸ ساعات 08.00-دە جۇمىسقا رۇقسات الۋ ٷشٸن تەمپەراتۋرالىق تەكسەرٸستەن ٶتكەن قىزمەتكەردٸڭ دەنە قىزۋى بولماعان. الايدا, رەسپيراتورلىق ينفەكتسييا بەلگٸلەرٸ انىقتالعان سوڭ, ول جۇمىستان جەدەل بوساتىلعان. سول كٷنٸ تۇرعىلىقتى مەكەنجايى بويىنشا ۋچاسكەلٸك دەرٸگەر جەدەل رەسپيراتورلىق اۋرۋدى راستاپ, قىزمەتكەرگە ەڭبەككە جارامسىزدىق پاراقشاسىن اشقان.
ال, 11 ماۋسىمدا بالاباقشانىڭ قىزمەتكەرٸنەن كوروناۆيرۋسقا الىنعان سىناما وڭ نەتيجە بەرگەنٸ انىقتالعان.
«قازٸر بالاباقشادا تەربيەلەنۋشٸلەردٸ قابىلداۋ توقتاتىلىپ, عيماراتتى زالالسىزداندىرۋ جۇمىستارى جٷرگٸزٸلدٸ. سونىمەن قاتار, بارلىق قىزمەتكەردەن COVID-19 ينفەكتسيياسىنا سىناما الۋ جوسپارلانىپ وتىر. ال, ناۋقاسپەن جاقىن بايلانىستا بولعان تەربيەلەنۋشٸلەردەن پتر-تەست سىناماسىن الۋ تۇرعىلىقتى مەكەنجايلارى بويىنشا ەمحانالاردا جٷرگٸزٸلەدٸ», - دەلٸنگەن حابارلامادا.
بۇعان دەيٸن اتىراۋ قالالىق ەكٸمدٸگٸ مەن NCOC قىزمەتكەرٸنەن كوروناۆيرۋس تابىلعانىن جازعان ەدٸك.
