Foto: Videodan skrinshot
Atyraý qalasynyń ákimshilik quqyq buzýshylyqtar jónindegi mamandandyrylǵan sotynda Qazaqstan Respýblikasynyń ÁQBtK-niń 434-babynyń 1-bóligi (usaq buzaqylyq) boiynsha úsh azamat J., Ǵ. jáne D.-ǵa qatysty ákimshilik is qaraldy, dep habarlaidy Ult.kz inbusiness.kz-ke silteme jasap.
Sot materialdaryna sáikes, 2025 jylǵy 14 qazanda saǵat 15:10 shamasynda Atyraý qalasyndaǵy kafelerdiń biriniń aldynda J., Ǵ. jáne D. qoǵamdyq oryn tártibin buzyp, qyzdy aiqai-shýmen kólikke kúshtep otyrǵyzyp, beinejazba túsirý maqsatynda ainaladaǵy adamdarǵa qurmetsizdik tanytqan. Bul áreketter usaq buzaqylyq retinde baǵalandy.
Alaida 22 jastaǵy qyz olardyń ústinen shaǵym jazbaǵan. Degenmen, politsiia zań buzǵandardy ustady.
ÁQBtK-niń 434-baby 1-bóligine sáikes, kinálilerge 20 ailyq eseptik kórsetkish mólsherinde aiyppul salý, 20-60 saǵattyq qoǵamdyq jumysqa tartý nemese 5-10 táýlikke ákimshilik qamaqqa alý jazasy qarastyrylǵan.
Sot sheshimimen J., Ǵ. jáne D. kináli dep tanylyp, árqaisysyna 78 640 teńge kóleminde ákimshilik aiyppul salyndy.
Cot qaýlycy zańdy kúshine engen joq.
