Atyraý oblysynda bir táýlikte koronavirýs juqtyrǵandardyń deni – Teńiz kenishiniń jumysshylary, – dep habarlaidy oblystyq densaýlyq saqtaý basqarmasy baspasóz qyzmeti.
Ótken táýlikte 70 adamnan koronavirýs infektsiiasy PTR-test arqyly rastalǵan. Naýqastardyń basym kópshiligi Teńiz kenishiniń jumysshylary bolyp otyr. Munda 61 jumysshy aýyrǵan. Al, Atyraý qalasynan 6 naýqas tirkelgen.
Sondai-aq, Qurmanǵazy aýdanynda - 2, Jylyoida - 1 adam qaýipti virýsqa shaldyqqan. Koronavirýstyń simptomdy túri 15 naýqastan anyqtalǵan.
«Sońǵy málimetke sáikes, ótken táýlikte koronavirýs infektsiiasynan 71 adam emdelip shyqty. Qazir úi jaǵdaiynda 397 adam emdelýdi jalǵastyrýda. Oblystyq infektsiialyq statsionarda - 82, aýdandardaǵy statsionarlarda - 30 patsient emdelip jatyr. Al, Teńiz kenishindegi statsionarǵa oqshaýlanǵan naýqastar sany 809 adamdy qurap otyr» dep habarlady basqarmanyń baspasóz qyzmetinen.
Eske sala ketelik, buǵan deiin bir táýlikte Teńiz kenishindegi naýqastar 81 adamǵa kóbeigenin jazǵan bolatynbyz.
