Atyraý oblysynyń densaýlyq saqtaý basqarmasynyń basshysy Baitolla Ǵazizov Atyraýda úsh adamnyń koronavirýsty qaidan juqtyryp kelgenin aityp berdi, dep habarlaidy "Ult aqparat".
«Ókinishke qarai búgin 27 naýryz kúni Atyraý oblysynda koronavirýs infektsiiasyn juqtyrǵan úsh adam anyqtaldy. Birinshi naýqas – 21 naýryzda Nur-Sultan qalasynan Atyraýǵa kelgen. 26 naýryzda JRVI belgilerimen odan analiz alynǵan. Nátijesinde infektsiia juqtyrǵany anyqtaldy. Ekinshi naýqas – 17 naýryz kúni Ystanbuldan Almatyǵa, osydan keiin Almatydan Atyraýǵa ushyp kelgen. Nur-Sultanda Ystanbuldan Almatyǵa kelgenderdiń arasynan infektsiia juqtyrǵan adam tabylǵanyn bilesizder. Soǵan bailanysty qarym-qatynasta bolǵandyqtan biz keshe analizin aldyq. Nátijesinde infektsiia juqtyrǵany anyqtaldy», - dedi Baitolla Ǵazizov «Habar 24» arnasynda onlain rejimde ótken baspasóz máslihatynda.
Úshinshi naýqas – Amsterdamnan keshe Atyraýǵa kelgen.
«Ol naýqas birden karantinge jatqyzylyp, analiz alynyp, test nátijesi onyń da infektsiia juqtyrǵanyn anyqtaǵan. Úsh naýqastyń da jaǵdaiy qazirgi tańda qanaǵattanarlyq. Tiisti hattamalarǵa sai emdeýge jatqyzylyp, em-dom jasalyp jatyr», - dedi ol.
