اتىراۋ وبلىسىنىڭ دەنساۋلىق ساقتاۋ باسقارماسىنىڭ باسشىسى بايتوللا عازيزوۆ اتىراۋدا ٷش ادامنىڭ كوروناۆيرۋستى قايدان جۇقتىرىپ كەلگەنٸن ايتىپ بەردٸ, دەپ حابارلايدى "ۇلت اقپارات".
«ٶكٸنٸشكە قاراي بٷگٸن 27 ناۋرىز كٷنٸ اتىراۋ وبلىسىندا كوروناۆيرۋس ينفەكتسيياسىن جۇقتىرعان ٷش ادام انىقتالدى. بٸرٸنشٸ ناۋقاس – 21 ناۋرىزدا نۇر-سۇلتان قالاسىنان اتىراۋعا كەلگەن. 26 ناۋرىزدا جرۆي بەلگٸلەرٸمەن ودان اناليز الىنعان. نەتيجەسٸندە ينفەكتسييا جۇقتىرعانى انىقتالدى. ەكٸنشٸ ناۋقاس – 17 ناۋرىز كٷنٸ ىستانبۇلدان الماتىعا, وسىدان كەيٸن الماتىدان اتىراۋعا ۇشىپ كەلگەن. نۇر-سۇلتاندا ىستانبۇلدان الماتىعا كەلگەندەردٸڭ اراسىنان ينفەكتسييا جۇقتىرعان ادام تابىلعانىن بٸلەسٸزدەر. سوعان بايلانىستى قارىم-قاتىناستا بولعاندىقتان بٸز كەشە اناليزٸن الدىق. نەتيجەسٸندە ينفەكتسييا جۇقتىرعانى انىقتالدى», - دەدٸ بايتوللا عازيزوۆ «حابار 24» ارناسىندا ونلاين رەجيمدە ٶتكەن باسپاسٶز مەسليحاتىندا.
ٷشٸنشٸ ناۋقاس – امستەردامنان كەشە اتىراۋعا كەلگەن.
«ول ناۋقاس بٸردەن كارانتينگە جاتقىزىلىپ, اناليز الىنىپ, تەست نەتيجەسٸ ونىڭ دا ينفەكتسييا جۇقتىرعانىن انىقتاعان. ٷش ناۋقاستىڭ دا جاعدايى قازٸرگٸ تاڭدا قاناعاتتانارلىق. تيٸستٸ حاتتامالارعا ساي ەمدەۋگە جاتقىزىلىپ, ەم-دوم جاسالىپ جاتىر», - دەدٸ ول.
