Foto: Halyq Uni
Atyraýdyń eki turǵyny qarjy piramidasyn uiymdastyrǵany úshin 6 jylǵa bas bostandyǵynan aiyryldy, dep habarlaidy "Ult aqparat" QMA baspasóz qyzmetine silteme jasap.
Vedomstvo málimetinshe, Atyraýda «QazHome» tutyný kooperativiniń atyn jamylyp qarjy piramidasyn uiymdastyrǵan qala turǵyndary naqty merzimge bas bostandyǵynan aiyrylǵan.
"Atalǵan tulǵalardyń zańsyz áreketterin QMA Atyraý oblysy boiynsha Departamentiniń qyzmetkerleri áshkereledi. Uiymdastyrýshylar azamattarǵa jyljymaityn múlik beremiz degen jeleýmen qarjy piramidasyna aqsha salýdy usyndy.
Sotqa deiingi tergep-tekserý barysynda kooperativtiń qyzmetine 300-ge jýyq salymshy tartylǵany, onyń ishinde tek 35 adam ǵana ótinish berip, bul ótinishter boiynsha keltirilgen shyǵyn kólemi 49 mln teńgeden asatyny anyqtaldy.
Sot úkimimen «QazHome» tutyný kooperativiniń basshylary kináli dep tanylyp, árqaisysy 6 jylǵa bas bostandyǵynan aiyryldy" - delingen habarlamada.
