Atyraý qalasynda karantindik shekteý sharalary kúsheitildi, dep habarlaidy "Ult aqparat".
«Atyraý qalasynda epidemiologiialyq ahýal tolyq turaqtalǵanǵa deiin kelesi krantindik shekteý is- sharalary saqtalsyn. Kópshilik is sharalardy (merekelik, oiyn- saýyq, kópshilik mádeni, sporttyq, bilim berý salasyndaǵy is-sharalaryn, kórmelerdi, korporativti, forýmdardy, konferentsiialardy, sondai-aq otbasylyq, estelik is- sharalardy (banketter, úilený toilary, mereitoilar, eske alý jáne t. b.), onyń ishinde úide jáne jappai adamdar jinalatyn ózge de is-sharalardy ótkizýge tyiym salynsyn», - delingen Atyraý qalasynyń bas sanitar dárigeri Qanat Ǵainedenovtiń jańa qaýlysynda.
Sondai-aq, barlyq oiyn-saýyq obektileriniń, banket zaldarynyń, túngi klýbtardyń, karaoke, kompiýterlik jáne oiyn klýbtarynyń, kalian, býkmekerlik keńselerdiń qyzmetin, menshik nysanyna qaramastan mektepke deiingi balalar mekemeleriniń (kezekshi toptardy qospaǵanda), mádeni nysandardyń, jeke, toptyq daiyndyqtardy qosa alǵanda kinoteatrlardyń, teatrlardyń qyzmeti toqtatyldy.
