Atyraý oblysynda internet-alaiaqtyq qylmystaryna qatysy bar degen kúdikpen 24 adam anyqtaldy, dep habarlaidy ult.kz.
Polisia.kz jazýynsha, tergeý málimetinshe, kúdiktiler alaiaqtyq shemalarynda dropper retinde áreket etken. Olar ózderiniń bank esepshottaryn paidalanyp, qylmystyq jolmen alynǵan aqshany basqa shottarǵa aýdarýǵa kómektesken.
Politseilerdiń aitýynsha, kúdiktiler jeke derekteri men bank shottarynyń qupiia málimetterin bógde adamdarǵa bergen. Sonyń saldarynan jábirlenýshilerden alynǵan qarajat aldymen olardyń esepshottaryna túsip, keiin basqa tulǵalarǵa aýdarylyp otyrǵan. Osylaisha alaiaqtar qylmystyń izin jasyrýǵa tyrysqan.
Politsiianyń málimetinshe, mundai qylmystardyń kóbeiýine azamattardyń bank kartasynyń nómiri, CVV-kody, SMS-kodtary, login men qupiiasóz siiaqty mańyzdy derekterdi bógde adamdarǵa ońai berýi sebep bolyp otyr. Kóp jaǵdaida adamdar «jeńil tabys», «kartańyzdy jalǵa berińiz» nemese «aqshańyzdy kóbeitemiz» degen jalǵan usynystarǵa senip, ózderi de qylmystyq shemaǵa qatysýshyǵa ainalady.
Osyǵan bailanysty politsiia azamattardy saq bolýǵa shaqyryp, bank kartasy men esepshottyń qupiia derekterin eshkimge bermeýge, kúmándi usynystarǵa senbeýge jáne belgisiz siltemeler men qosymshalardy qoldanbaýǵa keńes berdi.
Qazirgi ýaqytta quqyq qorǵaý organdary internet-alaiaqtyqqa qatysy bar tulǵalardy anyqtaý jumystaryn jalǵastyryp jatyr. Eger kúmándi jaǵdaiǵa tap bolsańyz nemese zańsyz áreket týraly bilseńiz, birden politsiiaǵa habarlaý qajet.
