اتىراۋ وبلىسىندا ينتەرنەت-الاياقتىق قىلمىستارىنا قاتىسى بار دەگەن كٷدٸكپەن 24 ادام انىقتالدى, دەپ حابارلايدى ult.kz.
Polisia.kz جازۋىنشا, تەرگەۋ مەلٸمەتٸنشە, كٷدٸكتٸلەر الاياقتىق سحەمالارىندا دروپپەر رەتٸندە ەرەكەت ەتكەن. ولار ٶزدەرٸنٸڭ بانك ەسەپشوتتارىن پايدالانىپ, قىلمىستىق جولمەن الىنعان اقشانى باسقا شوتتارعا اۋدارۋعا كٶمەكتەسكەن.
پوليتسەيلەردٸڭ ايتۋىنشا, كٷدٸكتٸلەر جەكە دەرەكتەرٸ مەن بانك شوتتارىنىڭ قۇپييا مەلٸمەتتەرٸن بٶگدە ادامدارعا بەرگەن. سونىڭ سالدارىنان جەبٸرلەنۋشٸلەردەن الىنعان قاراجات الدىمەن ولاردىڭ ەسەپشوتتارىنا تٷسٸپ, كەيٸن باسقا تۇلعالارعا اۋدارىلىپ وتىرعان. وسىلايشا الاياقتار قىلمىستىڭ ٸزٸن جاسىرۋعا تىرىسقان.
پوليتسييانىڭ مەلٸمەتٸنشە, مۇنداي قىلمىستاردىڭ كٶبەيۋٸنە ازاماتتاردىڭ بانك كارتاسىنىڭ نٶمٸرٸ, CVV-كودى, SMS-كودتارى, لوگين مەن قۇپيياسٶز سيياقتى ماڭىزدى دەرەكتەردٸ بٶگدە ادامدارعا وڭاي بەرۋٸ سەبەپ بولىپ وتىر. كٶپ جاعدايدا ادامدار «جەڭٸل تابىس», «كارتاڭىزدى جالعا بەرٸڭٸز» نەمەسە «اقشاڭىزدى كٶبەيتەمٸز» دەگەن جالعان ۇسىنىستارعا سەنٸپ, ٶزدەرٸ دە قىلمىستىق سحەماعا قاتىسۋشىعا اينالادى.
وسىعان بايلانىستى پوليتسييا ازاماتتاردى ساق بولۋعا شاقىرىپ, بانك كارتاسى مەن ەسەپشوتتىڭ قۇپييا دەرەكتەرٸن ەشكٸمگە بەرمەۋگە, كٷمەندٸ ۇسىنىستارعا سەنبەۋگە جەنە بەلگٸسٸز سٸلتەمەلەر مەن قوسىمشالاردى قولدانباۋعا كەڭەس بەردٸ.
قازٸرگٸ ۋاقىتتا قۇقىق قورعاۋ ورگاندارى ينتەرنەت-الاياقتىققا قاتىسى بار تۇلعالاردى انىقتاۋ جۇمىستارىن جالعاستىرىپ جاتىر. ەگەر كٷمەندٸ جاعدايعا تاپ بولساڭىز نەمەسە زاڭسىز ەرەكەت تۋرالى بٸلسەڭٸز, بٸردەن پوليتسيياعا حابارلاۋ قاجەت.
