Foto: ©️ Tengrinews.kz / Turar Qazanǵapov
Atyraýda jer qatynastary jáne sáýlet bóliminiń, sondai-aq qala ákimi apparatynyń burynǵy basshylary qamaýǵa alyndy, - dep habarlaidy "Ult aqparat" Atyraý oblysy prokýratýrasyna silteme jasap.
Laýazymdy tulǵalar jer ýchaskelerin bólý jáne olardyń nysanaly maqsatyn anyqtaý kezinde alaiaqtyq áreketter jasady degen kúdikke ilingen.
"Bul fakti QK 190-babynyń 4-bóliginiń 2-tarmaǵy (asa iri mólsherde jasalǵan alaiaqtyq) jáne QK 361-baby (laýazymdyq ókilettikterdi teris paidalaný) boiynsha tirkeldi.
Oblys prokýratýrasy sotqa deiingi tergep-tekserý júrgizip jatyr" - delingen habarlamada.
QR Qylmystyq-protsestik kodeksiniń 201-babyna sáikes tergeý múddesinde ózge aqparat jariia etilýge jatpaidy.
