Atyraýda áieldi óltirdi degen kúdikpen 37 jastaǵy er adam ustaldy, dep habarlaidy ult.kz.
Atyraý oblysynda 37 jastaǵy er adam azamattyq nekede turǵan áielin óltirdi degen kúdikpen qamaýǵa alyndy. Bul týraly oblystyq Politsiia departamenti habarlady.
Vedomstvonyń málimetinshe, qaiǵyly oqiǵa turmystyq janjal kezinde bolǵan. Kúdikti ýaqytsha ustaý izoliatoryna qamalyp, oǵan qatysty Qylmystyq kodekstiń «Adam óltirý» baby boiynsha qylmystyq is qozǵalǵan. Qazir tergeý amaldary júrgizilip jatyr.
Marqumnyń jaqyndarynyń aitýynsha, áiel pyshaqtan alǵan kóptegen jaraqat saldarynan kóz jumǵan. Sondai-aq olardyń sózinshe, qaiǵyly jaǵdai úsh jasar qyzynyń kóz aldynda bolǵan. Al kelesi kúni úige kelgen 16 jastaǵy qyzy anasynyń máiitin taýyp alǵan.
Qazirgi ýaqytta kúdikti qamaýda otyr. Tergeý múddesine bailanysty quqyq qorǵaý organdary oqiǵanyń basqa mán-jailaryn jariialamaitynyn málimdedi.
