Atyraýda Antikor qyzmetkeri jeti jylǵa sottaldy, - dep habarlaidy Tengrinews.kz agenttigi azh.kz portalyna silteme jasap.
8 shildede Atyraý oblysynyń qylmystyq ister jónindegi mamandandyrylǵan aýdanaralyq soty sybailas jemqorlyqqa qarsy is-qimyl departamentiniń qyzmetkeri Nursultan Muiatovqa úkim shyǵaryp, ony 7 jylǵa bas bostandyǵynan aiyrǵan.
Sottyń baspasóz qyzmetiniń málimetinshe, 2021 jylǵy sáýirde Nursultan Muiatov "P" JShS basqarma tóraǵasy B.-ǵa qatysty Departament qyzmetkerleri júrgizip jatqan jedel is-sharalar týraly bilgen. 2021 jylǵy 26 maýsymda Muiatov jábirlenýshi B.-men kezdesip, oǵan qatysty tekseris toqtatylýyna, sondai-aq, departament pen agenttik basshylyǵy arqyly oń sheshimge yqpal etýi múmkin ekenin aityp, 30 million teńge talap etken. Olar 30 maýsymda qaita kezdesken kezde 21 million teńgege kelisken. Bul aqshany sottalýshy tanysynan B.-nyń páterinen alyp ketýdi suraǵan. Ony sol kúni aqsha aýdarý kezinde sybailas jemqorlyqqa qarsy agenttik qyzmetkerleri ustaǵan.
Onyń kinási jábirlenýshiniń, kýálardyń aiǵaqtarymen, WhatsApp messendjerindegi jazbalarmen, aýdio, beinejazbalarmen, jasyryn tergeý áreketteriniń nátijelerimen jáne saraptama qorytyndylarymen rastalǵan.
Buǵan deiin prokýror Muiatovqa 10 jylǵa bas bostandyǵynan aiyrý jazasyn taǵaiyndaýdy suraǵan, al qorǵaýshy tarap ony aqtaýdy ótingen.
Basylym málimetinshe, 190-baptyń 4-bóliginiń 2-tarmaǵynyń sanktsiiasy 5 jyldan 10 jylǵa deiingi merzimge bas bostandyǵynan aiyrýdy, al 367-baptyń 4-bóliginiń sanktsiiasy paranyń elý eselengen somasy mólsherinde aiyppul salýdy ne múlki tárkilenip, on jyldan on bes jylǵa deiingi merzimge bas bostandyǵynan aiyrýdy kózdeidi.
