اتىراۋدا انتيكور قىزمەتكەرٸ جەتٸ جىلعا سوتتالدى

سوتتىڭ باسپاسٶز قىزمەتٸنٸڭ مەلٸمەتٸنشە, 2021 جىلعى سەۋٸردە نۇرسۇلتان مۇياتوۆ "پ" جشس باسقارما تٶراعاسى ب.-عا قاتىستى دەپارتامەنت قىزمەتكەرلەرٸ جٷرگٸزٸپ جاتقان جەدەل ٸس-شارالار تۋرالى بٸلگەن. 2021 جىلعى 26 ماۋسىمدا مۇياتوۆ جەبٸرلەنۋشٸ ب.-مەن كەزدەسٸپ, وعان قاتىستى تەكسەرٸس توقتاتىلۋىنا, سونداي-اق, دەپارتامەنت پەن اگەنتتٸك باسشىلىعى ارقىلى وڭ شەشٸمگە ىقپال ەتۋٸ مٷمكٸن ەكەنٸن ايتىپ, 30 ميلليون تەڭگە تالاپ ەتكەن. ولار 30 ماۋسىمدا قايتا كەزدەسكەن كەزدە 21 ميلليون تەڭگەگە كەلٸسكەن. بۇل اقشانى سوتتالۋشى تانىسىنان ب.-نىڭ پەتەرٸنەن الىپ كەتۋدٸ سۇراعان. ونى سول كٷنٸ اقشا اۋدارۋ كەزٸندە سىبايلاس جەمقورلىققا قارسى اگەنتتٸك قىزمەتكەرلەرٸ ۇستاعان.

ونىڭ كٸنەسٸ جەبٸرلەنۋشٸنٸڭ, كۋەلاردىڭ ايعاقتارىمەن, Whatsاpp مەسسەندجەرٸندەگٸ جازبالارمەن, اۋديو, بەينەجازبالارمەن, جاسىرىن تەرگەۋ ەرەكەتتەرٸنٸڭ نەتيجەلەرٸمەن جەنە ساراپتاما قورىتىندىلارىمەن راستالعان.

بۇعان دەيٸن پروكۋرور مۇياتوۆقا 10 جىلعا باس بوستاندىعىنان ايىرۋ جازاسىن تاعايىنداۋدى سۇراعان, ال قورعاۋشى تاراپ ونى اقتاۋدى ٶتٸنگەن.

باسىلىم مەلٸمەتٸنشە, 190-باپتىڭ 4-بٶلٸگٸنٸڭ 2-تارماعىنىڭ سانكتسيياسى 5 جىلدان 10 جىلعا دەيٸنگٸ مەرزٸمگە باس بوستاندىعىنان ايىرۋدى, ال 367-باپتىڭ 4-بٶلٸگٸنٸڭ سانكتسيياسى پارانىڭ ەلۋ ەسەلەنگەن سوماسى مٶلشەرٸندە ايىپپۇل سالۋدى نە مٷلكٸ تەركٸلەنٸپ, ون جىلدان ون بەس جىلعا دەيٸنگٸ مەرزٸمگە باس بوستاندىعىنان ايىرۋدى كٶزدەيدٸ.