Atyraýda Abaidyń 175 jyldyq mereitoiyna arnalǵan saltanatty shara ótti. Oǵan óńir jurtshylyǵymen birge, Qazaqstan Jazýshylar Odaǵy basqarma tóraǵasynyń orynbasary Mereke Qulkenov, jazýshy, dramatýrg Rollan Seisenbaev, Memlekettik syilyqtyń iegeri, aqyn Aqushtap Baqtygereeva, belgili aqyn Svetqali Nurjanovtar qatysty.
Aqyn mereitoiyna arnalǵan sharada «Abai jaqqan bir sáýle óshpeý úshin» atty ádebi-mýzykalyq teatrlandyrylǵan qoiylym sahnalandy. Sahnalyq qoiylymda Uljan ananyń uly Abaidy ómirge ákelgen kezi men ákesi Qunanbaidyń halyqtan súiinshi suraǵany, Qunanbaidyń ulyna Ibrahim dep esim berýi, sondai-aq, aqyn ómiriniń jarqyn sátteri kórsetildi.
«Abai – qazaqtyń uly tulǵasy. Abai – dana, Abai – dara. Sondyqtan, Abaidyń qara sózi men árbir óleńin qazaq halqynyń qazynasy dep bilemiz. Halyqqa kerek aqyl-oilaryn óskeleń urpaqqa ósiet etip qaldyrdy. Atyraý qalasynda Abaidyń eskertkishi ornatylatyn bolady», - dedi oblys ákimi Mahambet Dosmuhambetov.
Sondai-aq, shara barysynda Abai Qunanbaiulynyń «Kózimniń qarasy», «Aittym sálem, Qalamqas», «Jelsiz túnde jaryq ai» jáne basqa da ánderi shyrqaldy.
