اتىراۋدا ابايدىڭ 175 جىلدىق مەرەيتويىنا ارنالعان سالتاناتتى شارا ٶتتٸ. وعان ٶڭٸر جۇرتشىلىعىمەن بٸرگە, قازاقستان جازۋشىلار وداعى باسقارما تٶراعاسىنىڭ ورىنباسارى مەرەكە قۇلكەنوۆ, جازۋشى, دراماتۋرگ روللان سەيسەنباەۆ, مەملەكەتتٸك سىيلىقتىڭ يەگەرٸ, اقىن اقۇشتاپ باقتىگەرەەۆا, بەلگٸلٸ اقىن سۆەتقالي نۇرجانوۆتار قاتىستى.
اقىن مەرەيتويىنا ارنالعان شارادا «اباي جاققان بٸر سەۋلە ٶشپەۋ ٷشٸن» اتتى ەدەبي-مۋزىكالىق تەاترلاندىرىلعان قويىلىم ساحنالاندى. ساحنالىق قويىلىمدا ۇلجان انانىڭ ۇلى ابايدى ٶمٸرگە ەكەلگەن كەزٸ مەن ەكەسٸ قۇنانبايدىڭ حالىقتان سٷيٸنشٸ سۇراعانى, قۇنانبايدىڭ ۇلىنا يبراھيم دەپ ەسٸم بەرۋٸ, سونداي-اق, اقىن ٶمٸرٸنٸڭ جارقىن سەتتەرٸ كٶرسەتٸلدٸ.
«اباي – قازاقتىڭ ۇلى تۇلعاسى. اباي – دانا, اباي – دارا. سوندىقتان, ابايدىڭ قارا سٶزٸ مەن ەربٸر ٶلەڭٸن قازاق حالقىنىڭ قازىناسى دەپ بٸلەمٸز. حالىققا كەرەك اقىل-ويلارىن ٶسكەلەڭ ۇرپاققا ٶسيەت ەتٸپ قالدىردى. اتىراۋ قالاسىندا ابايدىڭ ەسكەرتكٸشٸ ورناتىلاتىن بولادى», - دەدٸ وبلىس ەكٸمٸ ماحامبەت دوسمۇحامبەتوۆ.
سونداي-اق, شارا بارىسىندا اباي قۇنانبايۇلىنىڭ «كٶزٸمنٸڭ قاراسى», «ايتتىم سەلەم, قالامقاس», «جەلسٸز تٷندە جارىق اي» جەنە باسقا دا ەندەرٸ شىرقالدى.
