Atyraýda «Sýret álemindegi Abai murasy» atty sýretshilerdiń respýblikalyq simpoziýmy ótti, dep habarlaidy QazAqparat.
Sh.Sariev atyndaǵy kórkemsýret jáne qoldanbaly-sándik mýzeiiniń direktory Tólegen Orynbasarulynyń aitýynsha, simpoziýmnyń maqsaty – ultymyzdyń uly aqyny Abai Qunanbaevtyń shyǵarmashylyǵyna qyzyǵýshylyqty arttyrý. Sýretshilerdiń qylqalamymen aqyn óleńderine, aýdarmalaryna, bolmysyna jańasha sipat berý.
«Sipoziýmǵa elimizdiń ár óńirinen 20 óner ókili men qylqalam sheberi qatysty. Olar mýzei qoryna ózderi salǵan 40-qa jýyq jańa týyndyny usyndy. Qylqalam sheberleriniń qiialynan týyndaǵan sýretter toptamasyndaǵy «Abaidyń qara sózi», «Abai», «Qansonarda búrkitshi shyǵady ańǵa», «Toǵjannyń kelbeti» syndy kartinalar kórermenge erekshe sezim syilady», -deidi Tólegen Orynbasaruly.
Oblys ákimdigi simpoziýmǵa qatysýshylarǵa alǵys hattar men 200 myń teńge somasyna sertifikattar tabystady.
