Atyraýda 3 adamnyń koronavirýsty juqtyrý sebebi belgili boldy, dep habarlaidy "Ult aqparat".
Óńirlik kommýnikatsiialar qyzmetiniń málimetinshe, 3 adamnyń biri –37 jastaǵy atyraýlyq koronavirýs taldaýy rastalǵan Oral qalasynyń turǵynymen bailanysta bolǵan. Onyń infektsiiaǵa shaldyqqany úiine oralǵan soń anyqtalǵan.
Ekinshisi –20 jastaǵy stýdent. Ol «Stambýl-Atyraý» arnaiy reisimen 27 naýryzda kelgen. Naýqasta JRVI-dyń aiqyn belgisi kórinip, infektsiialyq statsionarǵa jatqyzylǵan. Jigittiń koronavirýsqa shaldyqqany qaitalap tekserýden keiin rastalǵan.
Al, Qyzylqoǵa aýdanynyń 28 jasar turǵyny JRVI belgilerimen oblystyq aýrýhanaǵa júgingen. Bul áieldiń koronavirýs infektsiiasyna tapsyrǵan analizi oń nátije kórsetip, qazir onymen bailanysqandar tizimi túzilýde.
«Qazir Atyraý oblysynda koronavirýs infektsiiasy anyqtalǵan 16 adam infektsiialyq aýrýhanada emdelýde. Sonymen birge, Atyraý oblystyq densaýlyq saqtaý basqarmasynyń sheshimimen oblystyq aýrýhana 2 kúndik karantinge jabyldy. Meditsinalyq mekemede dezinfektsiia jumystary júrgizilip, dertke shaldyqqandarmen bailanysta bolǵan dárigerler men naýqastar oqshaýlanady», - dep habarlady óńirlik komýnikatsiialar qyzmeti.
