Quryltai depýtattary «Qazaqstan Respýblikasynyń memlekettik nagradalary týraly» Qazaqstan Respýblikasynyń Zańyna ózgerister men tolyqtyrýlar engizý týraly» zań jobasyn birinshi oqylymda maquldady, dep habarlaidy ult.kz.
Zań jobasy Memleket basshysynyń Quryltaidyń birinshi shaqyrylymynyń birinshi sessiiasynyń ashylýynda mádeniet jáne óner salasyndaǵy memlekettik nagradalar týraly zańnamany jetildirý jónindegi bergen tapsyrmasyn oryndaý úshin ázirlenip otyr.
Qujatta otandyq mýzyka óneri men án shyǵarmashylyǵyn damytýdaǵy jemisti qyzmeti jáne erekshe eńbegi úshin azamattardy marapattaýǵa arnalǵan «Shámshi Qaldaiaqov» medalin engizý usynylady.
Sonymen qatar, beineleý ónerindegi úzdik týyndylarymen erekshelengen jáne otandyq kórkem mádenietti damytýǵa erekshe eńbek sińirgen qairatkerler úshin «Qazaqstannyń eńbek sińirgen sýretshisi» qurmetti ataǵyn engizý usynylady.
