Atyraýǵa el birligi men yntymaǵynyń nyǵaia berýin kózdeitin Qazaqstan halqy Assambleiasynyń bastamashyl toby «Meniń elim – Máńgilik El» respýblikalyq jastar aktsiiasy aiasynda «Máńgilik el jastarynyń jetistikteri – Qazaqstan Respýblikasy Táýelsizdiginiń 25 jyldyǵyna» kitabyn jetkizdi. Osyǵan orai óńirde uiymdastyrylǵan shara Qurmanǵazy atyndaǵy mádeniet saraiynda ótti.
Jastarǵa bilim, tárbie berý isin Elbasy árkez nazarda ustap keledi. Táýelsizdik jyldarynda barlyq sala qarqyndy damyp, jetistikterge jetti. Oǵan mysal retinde Astana men Almatyda ótken álemdik deńgeidegi konferentsiialar men seminarlar, jiyndardy aitýǵa bolady. Endigi bizdiń maqsatymyz – 130-dan astam ult pen ulys ómir súretin elimizde birligimizdi saqtai otyryp, basty meje – damyǵan 30 eldiń qataryna qosylý. Biz sizderge árkez qoldaý kórsetýge ázirmiz. Máselen, budan buryn «Bolashaq» baǵdarlamasy arqyly bilim alǵan jastar, búginde el igiligi jolynda jumys jasaýda. Al, endigi olardyń qataryn tolyqtyratyn sizder bolǵandyqtan, armandaryńyzdyń oryndalýyna tilektestigimdi bildiremin! – dedi oblys ákimi Nurlan Noǵaev aktsiiaǵa qatysqan jastarǵa.
«Meniń elim – Máńgilik El» respýblikalyq jastar aktsiiasyna óńir jastary belsendilik tanytty. Jastar birinen soń biri patriottyq ánderdi shyrqady. Arnaiy taqtaishaǵa táýelsiz Qazaqstannyń keleshegine arnaǵan igi tilekterin jazýǵa múmkindik aldy. «Máńgilik el jastarynyń jetistikteri – Qazaqstan Respýblikasy Táýelsizdiginiń 25 jyldyǵyna» kitabyn atyraýlyq jastar Mańǵystaý oblysynyń ókiline tabystady. Kitapta el jastarynyń ár saladaǵy jetistikteri, olardyń memleket tarapynan kórgen qamqorlyqtary, «Máńgilik El» patriottyq ideiasynyń mańyzy men Elbasy qoldaýy týraly úndeýleri jazylǵan.
Mundai úndeý Atyraý jastary atynan da jazyldy. Ony «Thonil» korei etnomádeni birlestiginiń múshesi, H.Dosmuhamedov atyndaǵy Atyraý memlekettik ýniversitetiniń stýdenti Veronika Li oqyp berdi. Úndeýde munaily óńirde de táýelsizdik jyldarynda bilim berý men densaýlyq saqtaý salasyndaǵy ońdy ózgerister, naqtylai aitqanda, 80 mektep pen 18 mektepke deiingi tárbie oshaǵy, 1 kolledj ben 5 mektep-internat, sonymen birge, 63 jańa úlgidegi emdeý nysanynyń salynǵany aitylǵan. Qazir Atyraý oblysy álemniń 50-den astam elimen ekonomikalyq, iskerlik bailanys ornatýynyń nátijesinde 700-den asa birlesken jáne sheteldik kompaniialardyń qurylǵany da kórinis tapqan. «Biz Otanymyzdyń órkendeýi men nyǵaiýy jolynda kúshimizdi biriktiremiz. Bul árbir jas qazaqstandyqtyń – paryzy. Bizdiń jetistigimiz – búkil eldiń jetistigi!» delingen Úndeýde.
Joldasbek ShÓPEǴUL,
«Egemen Qazaqstan»
ATYRAÝ
.jpeg)