QR Densaýlyq saqtaý ministriniń buiryǵyna sáikes Atyraý oblysynyń memlekettik bas sanitar dárigeri bolyp Amantai Jumaǵaliev taǵaiyndaldy, dep habarlaidy "Ult aqparat".
Amantai Jumaǵaliev 1957 jyly Atyraý oblysynyń Mahambet aýdanynda dúniege kelgen. 1980 jyly Qaraǵandy memlekettik meditsina institýtyn sanitariia dárigeri mamandyǵy boiynsha bitirgen.
Eńbek jolyn 1980 jyly burynǵy Gýrev oblystyq sanitarlyq-epidemiologiialyq stansasynyń taǵam gigienasy bólimshesiniń meńgerýshisi bolyp bastady. 1999-2000 jyldary Atyraý oblystyq sanitarlyq-epidemiologiialyq stansasynyń sanitarlyq-gigienalyq bóliminiń meńgerýshisi;
2000-2001 jyldary Atyraý obaǵa qarsy kúres stansasynyń asa qaýipti infektsiialar zerthanasynyń dáriger bakteriologi;
2001-2001 jyldary Atyraý obaǵa qarsy kúres stansasynyń epidemiologiialyq zerthanasynyń meńgerýshisi;
2001-2003 jyldary Atyraý oblystyq sanitarlyq-epidemiologiialyq stansasynyń bas dárigeriniń orynbasary;
2003-2005 jyldary Atyraý oblystyq memlekettik sanitarlyq-epidemiologiialyq qadaǵalaý basqarma bastyǵynyń orynbasary;
2005-2008 jyldary Atyraý oblysy Memlekettik sanitarlyq-epidemiologiialyq qadaǵalaý departamenti direktorynyń orynbasary;
2008-2009 jyldary Atyraý oblysy Memlekettik sanitarlyq-epidemiologiialyq qadaǵalaý basqarmasy bastyǵynyń orynbasary;
2009-2013 jyldary Qazaqstan Respýblikasy Densaýlyq saqtaý ministrligi Memlekettik sanitarlyq-epidemiologiialyq qadaǵalaý komitetiniń Atyraý oblysy boiynsha departamenti direktorynyń orynbasary;
2013-2014 jyldary Qazaqstan Respýblikasy Densaýlyq saqtaý ministrligi Memlekettik sanitarlyq-epidemiologiialyq qadaǵalaý komitetiniń Atyraý oblysy boiynsha departamenti basshysynyń orynbasary;
2014-2017 jyldary Qazaqstan Respýblikasy Tutynýshylardyń quqyqtaryn qorǵaý agenttiginiń Atyraý oblysy tutynýshylardyń quqyqtaryn qorǵaý departamenti basshysynyń orynbasary;
2018-2019 jyldary Qazaqstan Respýblikasy Densaýlyq saqtaý ministrligi Qoǵamdyq densaýlyq saqtaý komitetiniń Atyraý oblysy Qoǵamdyq densaýlyq saqtaý departamenti basshysynyń orynbasary;
2019-2020 jyldary Qazaqstan Respýblikasy Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komitetiniń Atyraý oblysy Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysynyń orynbasary boldy.
Buǵan deiin óńirdiń memlekettik bas sanitar dárigeri 6 ret ózgergen edi.
