Atyraý oblysynyń ákimi bolyp Serik Shápkenov taǵaiyndaldy, - dep habarlaidy "Ult aqparat" Aqorda saityna silteme jasap.
"Serik Jambyluly Shápkenov Atyraý oblysynyń ákimi bolyp taǵaiyndalsyn, ol Qazaqstan Respýblikasynyń eńbek jáne halyqty áleýmettik qorǵaý ministri laýazymynan bosatylsyn", - delingen jarlyqta.
Serik Shápkenov 1979 jyly Batys Qazaqstan oblysy Qaratóbe aýylynda týǵan. Batys Qazaqstan memlekettik ýniversitetin ekonomist-matematik mamandyǵy boiynsha bitirgen.
Eńbek jolyn 2000 jyly Batys Qazaqstan memlekettik ýniversitetinde oqytýshy bolyp bastady. Túrli jyldary Batys Qazaqstan oblysy ákiminiń apparaty qurylymynda jumys istedi.
2012-2015 jyldary Batys Qazaqstan oblysy ákiminiń birinshi orynbasary boldy.
2015-2016 jyldary - QR Prezidenti Ákimshiliginiń Memlekettik baqylaý jáne aýmaqtyq uiymdastyrý jumysy bóliminiń memlekettik inspektory, 2016-2018 jyldary Atyraý qalasy ákiminiń qyzmetin atqarǵan.
Sondai-aq, 2021 jyly qańtarda eńbek jáne halyqty áleýmettik qorǵaý ministri bolyp taǵaiyndalǵan edi.
