Atyraý oblysyndaǵy Teńiz vahtalyq kentinde óndiristik qaldyq janyp jatyr, dep habarlaidy QazAqparat.
Oblystyq tótenshe jaǵdailar departamenti baspasóz qyzmetiniń málimetinshe, órt búgin, 1 naýryzda jergilikti saǵat 16:40-ta tutanǵan.
«Jylyoi aýdanyndaǵy Teńiz vahtalyq kentindegi ashyq alańda óndiristik qaldyq janyp jatyr. «Teńizshevroil» JShS órt sóndirý jáne apattyq qyzmetiniń málimetinshe, órt tutanǵan aýmaqtyń aýdany - 200 sharshy metr. Jalyndy sóndirýge «Teńizshevroildyń» órt sóndirý jáne apattyq qyzmetinen 17 qyzmetker men 4 tehnika, «COCR» JShS-nen 6 qyzmetker men 2 qyzmetker jumyldyrylǵan», - dep habarlady departamenttiń baspasóz qyzmetinen.
Oqiǵa ornyna barý úshin Jylyoi aýdandyq tótenshe jaǵdailar bóliminen 10 qyzmetker men 2 tehnika jolǵa shyqty.
Aýdan ortalyǵy – Qulsary qalasy men Teńiz vahtalyq kentiniń aralyǵyndaǵy qashyqtyq - 90 shaqyrym.
