Atyraý oblysyndaǵy Isatai aýdanynda jurttyń kózinshe bas imamdy urǵan naib-imam keshirim surady, - dep habarlaidy kaz.tengrinews.kz tilshisi oblystyq sottyń baspasóz qyzmetine silteme jasap.
Isatai aýdandyq sotynda meshittiń naib imamyna qatysty ákimshilik is QR "Ákimshilik quqyq buzýshylyq týraly" kodeksiniń 434-babynyń 1-bóligi ("Usaq buzaqylyq") boiynsha qaraldy.
Is materialdaryna qaraǵanda, meshittegi sham namazy oqylǵannan keiin meshittiń naib imamy jurttyń kózinshe bas imamnyń qyzmetine narazylyq bildirgen. Bas imam bul janjaldy uialy telefon kamerasyna túsire bastaǵan. Naib iman onyń bul isine narazy bolyp, telefondy tartyp alýǵa árekettengen jáne janjal kezinde keýdesine soqqy jasaǵan. Kelýshiler olardy ajyratyp alypty.
Al sot otyrysynda naib imam óz kinásin moiyndap, bas imamnan keshirim surady. Sot qaýlysymen ol aiypty dep tanylyp, oǵan 10 AEK kóleminde aiyppul salyndy.
Qaýly zańdy kúshine engen joq.
