Foto: Otbasylyq arhivten
Atyraý oblysynda birneshe kún boiy izdeýde bolǵan azamattyń máiiti tabyldy, dep habarlaidy Ult.kz Nege.kz-ke silteme jasap.
Atyraý oblysy TJD 5 kún buryn joǵalyp ketken 1964 jyly týǵan Ótebai Sabirovty izdeý jumystary aiaqtalǵanyn habarlady. 19 jeltoqsan kúni saǵat 15:10 shamasynda izdestirý toby Kaspii teńizi jaǵalaýyna jaqyn ornalasqan «Botahan» ken ornynan onyń máiitin tapty.
Ańshy 14 jeltoqsan kúni ań aýlaýǵa shyǵyp, sodan beri habar-osharsyz ketken.
«Tótenshe jaǵdailar departamentine habar túsken sátten bastap izdeý-qutqarý jumystary jedel bastaldy. 16 jeltoqsan kúni «Botahan» ken ornynan 30 shaqyrym qashyqtyqta ÝAZ markaly avtokólik tabylǵanymen, kólik ishinde joǵalǵan azamat bolmaǵan. Keiin áýeden barlaý júrgizý úshin Tótenshe jaǵdailar ministrliginiń tikushaǵy tartylyp, 20 shaqyrym radiýsta aýmaq tekserildi», – dep habarlady oblystyq TJD ókilderi.
Izdeý jumystary tórt táýlik boiy úzdiksiz júrgizildi. Oǵan Atyraý oblysy tótenshe jaǵdailar departamentiniń kúshteri men quraldary, áskeriler men politseiler, sondai-aq marqumnyń týystary qatysqan. Izdeý jumystaryna barlyǵy 100 adam, 21 tehnika, 2 kinologiialyq eseptop jáne 3 ushqyshsyz ushý apparaty jumyldyrylǵan.
Aita keteiik, Ótebai Sabirovtyń dostarymen ań aýlaýǵa shyǵyp, habar-osharsyz ketkenin jelide týystary habarlaǵan edi.
