Mańǵystaý oblysy boiynsha Qylmystyq atqarý júiesi departamentiniń GM-172/8 qaýipsizdigi barynsha tómen mekemede jazasyn ótep júrgen sottalǵandardyń biri qaiyrymdylyqpen ainalysa bastady, dep jazady "Ult aqparat".
«Talap qaryzy joq jumysqa ornalasqan sottalǵandar eńbekaqysyn óziniń qalaýynsha jumsai alady», – dep túsindirdi vedomstvo ókilderi.
Sottalǵan Timýr (aty ózgertilgen) mekemege ótken jyldyń qarasha aiynda tústi. Timýr munda júrgizýshi bolyp jumysqa ornalasty.
«Qaýipsizdigi barynsha tómen mekemege kelgennen keiin sottalǵandardy jumysqa ornalastyrý – birinshi kezektegi mindet. Ákimshilik qyzmetkerleri kelgenderdiń jeke isterin zertteidi, óitkeni olardyń kópshiligi mekemede bilim alady. Alynǵan diplomdaryna sáikes, olardy mamandyqqa nemese jeke qalaýyna sáikes mekeme aýmaǵynan tys kásiporyndarǵa jumysqa ornalastyrady», – deidi mekeme basshysy Ábdirahman Dastan.
Timýr biraz ýaqyt jumys istep, mekeme ákimshiligine ailyq jalaqysyn balalar úiiniń shotyna aýdarýdy surap, igi is jasaýǵa sheshim qabyldaǵan.
