Foto: Polisia.kz
Atyraýlyq politseiler terrorizmdi nasihattaǵan qylmystyq topty ustady, - dep habarlaidy "Ult aqparat" Polisia.kz saityna silteme jasap.
"16 maýsymda saǵat 07:30 shamasynda Atyraý oblysy Politsiia departamentiniń ekstremizmge qarsy is-qimyl basqarmasy, Qurmanǵazy aýdandyq politsiia bólimi men "Arlan" arnaiy jasaǵynyń qyzmetkerleri terrorizmdi nasihattady degen kúdikpen 39, 39, 35 jáne 33 jastaǵy tórt adamnan quralǵan qylmystyq topty anyqtap, ustady", - delingen habarlamada.
IIM baspasóz qyzmetiniń málimetinshe, kúdiktilerdiń bári - Qurmanǵazy aýdanynyń turǵyndary. Olar aýdan jastaryna teris jat aǵymnyń ilimin nasihattaǵany úshin baqylaýǵa alynǵan.
"Turǵylyqty mekenjailaryn tekserý kezinde Qazaqstan aýmaǵynda taratýǵa tiym salynǵan dini ádebietter men túrli nasihattyq jadynamalar, uialy telefondar men eki pyshaq tárkilendi. Qazirgi ýaqytta atalǵan derek boiynsha QR Qylmystyq kodeksiniń 256-babymen sotaldy tergeý amaldary bastaldy", - delingen habarlamada.
Ózge aqparat QR QPK-niń 201-babyna sáikes jariia etýge jatpaidy.
video: Polisia.kz
