فوتو: Polisia.kz
اتىراۋلىق پوليتسەيلەر تەرروريزمدٸ ناسيحاتتاعان قىلمىستىق توپتى ۇستادى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
"16 ماۋسىمدا ساعات 07:30 شاماسىندا اتىراۋ وبلىسى پوليتسييا دەپارتامەنتٸنٸڭ ەكسترەميزمگە قارسى ٸس-قيمىل باسقارماسى, قۇرمانعازى اۋداندىق پوليتسييا بٶلٸمٸ مەن "ارلان" ارنايى جاساعىنىڭ قىزمەتكەرلەرٸ تەرروريزمدٸ ناسيحاتتادى دەگەن كٷدٸكپەن 39, 39, 35 جەنە 33 جاستاعى تٶرت ادامنان قۇرالعان قىلمىستىق توپتى انىقتاپ, ۇستادى", - دەلٸنگەن حابارلامادا.
ٸٸم باسپاسٶز قىزمەتٸنٸڭ مەلٸمەتٸنشە, كٷدٸكتٸلەردٸڭ بەرٸ - قۇرمانعازى اۋدانىنىڭ تۇرعىندارى. ولار اۋدان جاستارىنا تەرٸس جات اعىمنىڭ ٸلٸمٸن ناسيحاتتاعانى ٷشٸن باقىلاۋعا الىنعان.
"تۇرعىلىقتى مەكەنجايلارىن تەكسەرۋ كەزٸندە قازاقستان اۋماعىندا تاراتۋعا تيىم سالىنعان دٸني ەدەبيەتتەر مەن تٷرلٸ ناسيحاتتىق جادىنامالار, ۇيالى تەلەفوندار مەن ەكٸ پىشاق تەركٸلەندٸ. قازٸرگٸ ۋاقىتتا اتالعان دەرەك بويىنشا قر قىلمىستىق كودەكسٸنٸڭ 256-بابىمەن سوتالدى تەرگەۋ امالدارى باستالدى", - دەلٸنگەن حابارلامادا.
ٶزگە اقپارات قر قپك-نٸڭ 201-بابىنا سەيكەس جارييا ەتۋگە جاتپايدى.
ۆيدەو: Polisia.kz
