Atyraý oblysynda táýligine 30 tonna balyq óńdeitin tseh iske qosyldy, dep habarlaidy "Ult aqparat".
Qurmanǵazy aýdanynyń ákimi Qairat Nurtaevtyń málimetine súiensek, jańa tsehty «Kaspii-Balyq» óndiristik kooperativi iske qosqan.
«Osy kezge deiin aýlanǵan balyqtardyń basym bóligi shet elderge muzdatylǵan, salqyndatylǵan, qatyrylǵan, keptirilgen kúiinde óńdelip, eýrostandartqa sai jiberilip kelgen edi. «Kaspii-Balyq» óndiristik kooperativi balyq ónimin óńdeý, toǵan sharýashylyǵyn damytý úshin Resei Federatsiiasynan investor tartty. Óndiristik kooperativ investormen birlesip, Birlik aýylynan balyq óndeý tsehyn ashty. Jobanyń quny – 200 mln teńge. Tsehta táýligine 30 tonna balyq óndeledi. Oǵan 50 adam turaqty jumysqa tartylyp otyr» - dedi Qairat Nurtaev.
Onyń aitýynsha, byltyrǵy balyq aýlaý maýsymynda 350 tonna balyq Eýrostandart talabyna sáikes óńdelgen. Aýdanda balyq sharýashylyǵymen ainalysatyn qurylymdar 3 361 tonna balyq ónimin Resei Federatsiiasyna, Grýziia men Ýkrainaǵa eksportqa shyǵarǵan.
