Atyraý oblysy IID Inder aýdandyq bóliminiń aǵa tergeýshisi para alý ústinde ustaldy, dep habarlaidy "Ult aqparat".
«2 Atyraý qalalyq sotynyń tergeýshi sýdiasy politseidi qamaýda ustaý túrindegi bultartpaý sharasyn qoldandy. Oǵan jergilikti turǵynnan para aldy degen kúdik keltirilýde. Tergeý joramalyna sáikes, aǵa tergeýshi turǵynnan balasynyń qylmystyq isin jabý úshin aqsha talap etken. Sonymen qatar tergeýshi jasalǵan qylmys týraly oqý ornyna habar bermeýge ýáde etken. Jemqorlyqqa qarsy kúres departamentiniń qyzmetkerleri tergeýshini para alyp jatqan jerinen ustady», - dep habarlady №2 Atyraý qalalyq sotynan.
