Atyraý oblysy PD
Jangeldin aýylynda Naýryz ben Miramgúldi izdeýge baǵyttalǵan izdestirý-qutqarý jumystary aiaqtaldy. Bul týraly oblystyq tótenshe jaǵdailar departamenti málimdedi, - dep habarlaidy Ult.kz "Aq Jaiyq" basylymyna silteme jasap.
Departamenttiń málimetinshe, izdestirý jumystaryna Atyraý oblystyq politsiia departamentiniń resmi suraýy boiynsha qutqarý bólimsheleri tartylyp, eldi meken aýmaǵy tolyq tekserilgen.
"Politsiia belgilegen barlyq ýchaske tolyq tekserildi. Qazir politsiia departamentinen izdestirýdi jalǵastyrýǵa qatysty jańa tapsyrmalar nemese baǵyttamalar túsken joq", - dep málimdedi TJD.
Eske salaiyq, 25 jeltoqsanda Atyraý oblysynyń politsiiasyna bir otbasy joǵalǵany týraly aryz túsken.
6 qańtarda erli-zaiypty óli tabyldy. Olardyń ul-qyzy áli izdestirilip jatyr.
"Bul derek boiynsha adam óltirý belgilerimen qylmystyq is qozǵaldy. Kúdiktiler anyqtaldy. Qazir olardy izdeý jáne ustaý maqsatynda quqyq qorǵaý organdary jedel izdestirý is-sharalaryn júrgizip jatyr", - dedi buǵan deiin politsiia.
8 qańtarda erli-zaiyptyny aqtyq saparǵa shyǵaryp salý rásimi ótti.
Jangeldin aýylynda qaitys bolǵan erli-zaiyptynyń ólimine bailanysty kúdiktige izdeý jariialandy. Kúdikti - Atyraý oblysy Mahambet aýdanynyń 29 jastaǵy turǵyny. Bul oqiǵaǵa ózge de adamdardyń qatysy bar-joǵy tekserilip jatyr.
Sultan Sársemalievti izdestirý isi 8 qańtarda Atyraý oblysynda tirkelgen. Iske bastamashy bolǵan - IIM. Bul isti Atyraý oblysynyń Politsiia departamenti júrgizedi.
