Atyraý oblysynda eki kún qatarynan koronavirýs infektsiiasyn juqtyrǵan naýqastar tirkelgen joq, dep habarlaidy QazAqparat.
Oblystyq densaýlyq saqtaý basqarmasy baspasóz qyzmetiniń málimetine súiensek, 4-5 naýryzda qaýipti virýsty juqtyrý deregi tirkelmegen.
«Atyraý oblysynda koronavirýs infektsiiasyna shaldyǵýshylar sany azaiyp, epidemiologiialyq ahýal jaqsardy. Buǵan sońǵy eki táýlikte qaýipti virýsqa shaldyqqan naýqastardyń tirkelmegeni dálel bola aldy. Qazir 151 adam úi jaǵdaiynda, al, 21 naýqas modýldik aýrýhananyń infektsiialyq statsionarynda em alyp jatyr. Óńirdiń 2 360 oryndyq infektsiialyq statsionaryndaǵy júkteme – 0,9%. Al, 106 tósek-orny bar jansaqtaý bóliminde 2 naýqas em qabyldaý úshin oqshaýlanǵan. Bul bólimdegi júkteme 1,9%-dy quraidy. Ókpeni jasandy jeldetý apparatyna qosylyp jatqan naýqastar joq», - dep málim etti basqarmanyń baspasóz qyzmetinen.
