اتىراۋ وبلىسىندا ەكٸ كٷن قاتارىنان كوروناۆيرۋس ينفەكتسيياسىن جۇقتىرعان ناۋقاستار تٸركەلگەن جوق, دەپ حابارلايدى قازاقپارات.
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنە سٷيەنسەك, 4-5 ناۋرىزدا قاۋٸپتٸ ۆيرۋستى جۇقتىرۋ دەرەگٸ تٸركەلمەگەن.
«اتىراۋ وبلىسىندا كوروناۆيرۋس ينفەكتسيياسىنا شالدىعۋشىلار سانى ازايىپ, ەپيدەميولوگييالىق احۋال جاقساردى. بۇعان سوڭعى ەكٸ تەۋلٸكتە قاۋٸپتٸ ۆيرۋسقا شالدىققان ناۋقاستاردىڭ تٸركەلمەگەنٸ دەلەل بولا الدى. قازٸر 151 ادام ٷي جاعدايىندا, ال, 21 ناۋقاس مودۋلدٸك اۋرۋحانانىڭ ينفەكتسييالىق ستاتسيونارىندا ەم الىپ جاتىر. ٶڭٸردٸڭ 2 360 ورىندىق ينفەكتسييالىق ستاتسيونارىنداعى جٷكتەمە – 0,9%. ال, 106 تٶسەك-ورنى بار جانساقتاۋ بٶلٸمٸندە 2 ناۋقاس ەم قابىلداۋ ٷشٸن وقشاۋلانعان. بۇل بٶلٸمدەگٸ جٷكتەمە 1,9%-دى قۇرايدى. ٶكپەنٸ جاساندى جەلدەتۋ اپپاراتىنا قوسىلىپ جاتقان ناۋقاستار جوق», - دەپ مەلٸم ەتتٸ باسقارمانىڭ باسپاسٶز قىزمەتٸنەن.
