Atyraý oblysynda balyq ótetin arnalardyń túpterin tereńdetkenniń nátijesinde balyqshylar 2,5 myń tonna balyq artyq aýlady.
Atyraý oblysyndaǵy ózenderde júrgizilgen túp tereńdetý jumystary oń nátije kórsetti. Bul týraly Ortalyq kommýnikatsiialar qyzmetinde ótken brifingte Atyraý oblysynyń ákimi Nurlan Noǵaev málimdedi.
2017 jyly Jaiyq, Qiǵash ózenderindegi balyq ótetin arnalardyń túpterin tereńdetý jumystary bastaldy. Nurlan Noǵaevtyń aitýynsha, atalǵan shara alǵashqy nátijelerin kórsete bastaǵan.
- Sý kólemin jáne gidrogeologiialyq rejimdi arttyrý jobalary balyqtardyń kedergisiz ótýine, balyq qoryn saqtaýǵa, mekendeýine jáne tabiǵi ósimine qolaily jaǵdai jasaýǵa baǵyttalǵan, -dedi Nurlan Noǵaev.
Jaiyq ózeniniń túbin tereńdetý jumystaryna respýblikalyq biýdjetten 2,151 mln teńge bólingen. Jalpy uzyndyǵy - 62 km. 16,9 km jańa arna qazý josparlanǵan.
Jaiyqpen birge Qiǵash ózeniniń de túbi tereńdetildi. Osy maqsatqa respýblikalyq biýdjetten 5,453 mln teńge bólingen. Júrgizilgen jumystardyń jalpy uzyndyǵy - 154 km, 2020 jyly aiaqtalady dep josparlanǵan.
- Balyq aýlaityn óndiristik kooperativter jyl basynan beri belgilengen limit aiasynda - 6 555 tonna balyq aýlady. Ótken jyldyń sáikes kezeńinde bul kórsetkish 4038 tonna bolǵan edi. Ótken jylmen salystyrǵanda kásiptik balyq aýlaý kólemi - 2517 tonnaǵa artty. Bul júrgizilgen túp tereńdetý jumystarynyń oń nátije kórsetkenin ańǵartady, sonyń arqasynda balyqtardyń ózenge ýyldyryq shashýǵa ótýi jaqsardy, sý qoimasynda balyq qory saqtaldy. 2018 jyldyń aiaǵynda bolǵan jappai balyq qyrylý deregine qaramastan, jaqsy nátijeler bar, - dedi Nurlan Noǵaev.
Atqarylǵan sharalar ózenderdiń gidrogeologiialyq rejimine de oń áser etedi. "Qazgidromet" RMM ai saiyn Jaiyq ózenindegi sý sapasyna, ion, biogen men organikalyq zattarǵa, aýyr metalldarǵa monitoring júrgizip otyrady. Jaiyq ózegindegi sý sapasy normadaǵy kórsetkishterden aspaǵan. Sonymen qatar, ózendegi sý basseinine de zertteý júrgizilýde. Jobanyń basty mindeti - Jaiyq ózenine antropogendik faktorlardyń áserin azaitý jóninde usynystar daiyndaý. Zertteý barysynda ózen túbindegi shógindilerden, balyqtan, sýdan synamalar alynady, zerthanalyq jaǵdaida saralanady. Zertteý qorytyndysymen mamandar ózenniń sý basseinine adamdardyń yqpalyn tómendetýge múmkindik beretin tujyrym shyǵarady.
Aidyn Kakimov
