"7-20-25" baǵdarlamasynyń bir ai jumys qorytyndysy boiynsha 10 otbasy ipotekalyq qaryz alyp, pəter ieleri atandy, dep habarlaidy Atyraý oblysynyń Óńirlik kommýnikatsiialar qyzmeti.
Memleket basshysynyń bes əleýmettik bastamasyn iske asyrý aiasynda "7-20-25" qoljetimdi baspana baǵdarlamasy bastalǵan bolatyn. Baǵdarlamany iske asyrý boiynsha jumystardy Ulttyq bank shilde aiynda bastady, búgingi kúni Atyraý oblysynda 10 otbasy pəterge ie bolyp, 16 úmitker oń sheshim aldy.
-Men 7-20-25 baǵdarlamasynyń arqasynda Tsentr Kredit bankiniń kómegimen bes jylǵa Nursaia yqsham aýdanynan úsh bólmeli pəter aldym. Aldymen siz pəterdi, aýdanyn tańdaisyz, sodan soń qurylys salýshymen aldyn ala shart resimdeisiz. Sodan keiin shartty bankke aparasyz, ol jerde qujattar tórt kún qaralady. Maquldaǵannan keiin notariýsqa barasyz. Qujattarmen barlyq jumysqa tórt-bes kúnińiz ketedi,- deidi "7-20-25" memlekettik baǵdarlamasy boiynsha pəter alǵan Erbol Esenǵarin.
Ulttyq banktiń Atyraý filialy direktorynyń mindetin atqarýshy Serik Omarovtyń aitýynsha, osy baǵdarlama aiasynda ekinshi deńgeidegi 7 bank jumys isteidi. Búgingi kúni Tsentr Kredit banki ipotekalyq nesie berýdi bastady, Eýraziialyq bank, ATF, Turǵyn úi qurylys jinaq banki, Halyq banki, RBK banki jáne Tsesnabank tamyz aiynyń sonynda nesie berýdi bastaidy. «7-20-25» baǵdarlamasy boiynsha nesie alýdyń birneshe negizgi kriteriileri bar:
Qazaqstan Respýblikasynyń azamattyǵyn qamtamasyz etý;
eńbek jáne / nemese kásipkerlik qyzmetten turaqty tabystyń bolýy;
aldyn-ala tólem somasynyń bolýy;
ipotekalyq qaryzdardyń bolmaýy;
Qazaqstan Respýblikasynyń aýmaǵynda turǵyn úidiń joqtyǵy (apattyq turǵyn úidi qospaǵanda jáne jataqhanada bir otbasy múshesine 15 sharshy metrden kem); Qaryz alýshynyń tiisti tabysynyń deńgeii bolmaǵan kezde birlesken qaryz alýshyny (jubaiyn, ata-anasyn, dosyn) biriktirýge bolady, olarǵa joǵaryda qoiylatyn talaptar aitylmaidy, sondyqtan ekinshi deńgeidegi bankterbirlesken qaryz alýshyny/ qosalqy qaryz alýshynyń tabysyn rastaý úshin basqa qujattardy talap etýge quqyly.
Esterińizge salsaq, 2018 jyly oblysta 3892 páterlik 44 kópqabatty turǵyn úidiń qurylysy bastaldy, biylǵy jyly 34 úi paidalanýǵa beriledi. Oblys ortalyǵynda 39 úi salynsa, qalǵany aýdandarda.
Aita ketý kerek, bul turǵyn úi qurylysynyń rekordtyq kórsetkishi, bul aimaqtaǵy táýelsizdik jyldaryndaǵy eń úlken kólem.
Sarapshylardyń pikirinshe, turǵyn úi qurylysynyń mundai ósýi jyljymaityn múlik naryǵyndaǵy baǵalardyń tómendeýine oń áser etedi.
