Sýret: 24.kz
Atyraý oblysyndaǵy alty aýyl qum astynda qalýy múmkin, - dep habarlaidy Tengrinews.kz saity "Habar 24"-ke silteme jasap.
Qarabaý aýylyna qum tóbelerinen kedergilerdiń bolmaýyna bailanysty qaýip tónip tur. Jergilikti bilik aýyl turǵyndaryn barhandardan qorǵaý úshin 40 gektar aýmaqqa sekseýil ósirip, tiri qorshaý qoimaqshy.
"Buryn bul jerde qudyq bolǵan, ony qum basyp qaldy. Qazir eń jaqyn uńǵyma aýyldyń shetinde. Mal baǵatyn jer joq. Al jel kóterilgende shańdy daýyldan qashamyz", - dedi jergilikti turǵyn Nuraly Ómirov.
Qarabaý aýylyn shańdy daýyldan qutqarý jumysy 2015 jyly bastalǵan. Óńirlerdi damytý baǵdarlamasy boiynsha 1,5 million teńgege qańqaly qorǵan salynǵanymen, 8 jyldan keiin qorǵan jóndeý jumystaryn qajet etedi.
"Eń qaýipti oryndar anyqtaldy, birden birneshe aýyldy jerge ornalastyrý jobalary ázirlendi. Aýyldy qumdy barhandardan qorǵaý boiynsha jumys az emes, 30 gektardan asa aýmaqty qamtý qajet", - deidi tabiǵi resýrstar basqarmasy basshysynyń orynbasary Nurgúl Qalieva.
Qum tóbeleri 30 aýylǵa jaqyndaǵan. Qum basýdan sekseýil otyrǵyzý arqyly tabiǵi ádispen kúresý josparda bar. Tabiǵi qorshaýlar qumdy ustap turýy kerek. Qajetti jasyl beldeýdi salý úshin biýdjet 367 million teńge bolady.
