Atyraý oblysynda 49 adamnan koronavirýs infektsiiasy anyqtaldy, dep habarlaidy oblystyq densaýlyq saqtaý basqarmasynyń baspasóz qyzmeti.
Ótken táýlikte 49 adam qaýipti virýsqa shaldyqqan.
«Naýqastardyń arasynda Teńiz kenishiniń 32 jumysshysy, Atyraý qalasynyń 10 turǵyny bar. Sondai-aq, Qurmanǵazy aýdanynda 6, Mahambet aýdanynda 1 adamnan Sovid-19 anyqtaldy. Onyń ishinde 10 adamda infektsiianyń simptomdy túri bar», -dep málim etti basqarmanyń baspasóz qyzmeti.
Ótken táýlikte koronavirýs infektsiiasynan 95 adam emdelip shyqqan. Qazir úi jaǵdaiynda 276 adam emdelip jatyr. Al, oblystyq infektsiialyq statsionarda 72, aýdandardaǵy statsionarlarda 25, Teńiz kenishindegi statsionarda 377 adam oqshaýlanǵan. Eske sala ketsek, budan buryn Atyraý oblysy «jasyl» aimaqqa shyqqan edi.
