Atyraý oblysynda sýshiden ýlanǵandardan salmonellez qozdyrǵyshy anyqtaldy, dámhana jumysy toqtatyldy, dep habarlaidy "Ult aqparat".
Oblystyq Sanitariialyq-epidemiologiialyq baqylaý departamenti baspasóz qyzmetiniń málimetinshe, 2020 jylǵy 28 jeltoqsan men biylǵy 3 qańtar aralyǵynda Jylyoi aýdandyq ortalyq aýrýhanasynyń juqpaly aýrýlar bólimine «Taǵamdyq toksikoinfektsiia» diagnozymen 47 naýqas túsken. Naýqastardyń «Tri samýraia» dámhanasynan tapsyryspen sýshi alyp jegeni anyqtalǵan.
«Jylyoi aýdandyq sanitariialyq-epidemiologiialyq baqylaý basqarmasynyń mamandary «Tri samýraia» dámhanasyn tekserý kezinde birqatar buzýshylyqty anyqtady.
Balyq, balyq ónimderin, kremder men soýstardy, nan-bólkelerdi qabyldaý, saqtaý, qadaǵalaý men qaýipsizdigin kýálandyratyn ilespe qujattama bolmaǵan.
Bólshekteý taqtaishalary men pyshaqtar óńdeletin ónimderge sáikes tańbalanbaǵan. Tamaq ónimderin saqtaý kezinde temperatýralyq ylǵaldylyqty qadaǵalap otyrý úshin tońazytqysh úi-jailary, tamaq qoimasy arnaiy termometr, psihrometr qurylǵylarymen qamtylmaǵan. Tamaq ónimderin saqtaý kezinde muzdatqyshtarda shiki balyq ónimderi men kýyrylǵan balyq ónimderi, nan-bólke, fri, ikra birge saqtalǵan. Balyq jáne balyq ónimderi, pitstsa ashytqysy saqtalatyn tońazytqysh jabdyqtarynyń temperatýralary ólshenbegen, temperatýralyq rejimge qadaǵalaý júrgizilmegen, tońazytqysh jabdyqtary jetkiliksiz.
Sondai-aq kúndelikti jumys aýysymynyń bastalýy aldynda jumyskerlerdiń denesiniń ashyq betin irińdi aýrýlardyń, shaǵyn jaraqattardyń bolýyna tekserý júrgizilmegen.
Sanitariialyq jýrnal júrgizilmegen. Personaldarǵa arnalǵan qol jýǵysh ornatylmaǵan» - dep habarlady departamenttiń baspasóz qyzmetinen.
Bakteriologiialyq zertteý qorytyndysymen naýqastardan salmonellez qozdyrǵyshy anyqtaldy. Sondai-aq, sýshi taǵamynyń quramyna qosylatyn krab taiaqshasy men soýstan alynǵan synamalarda sáikessizdikter kezdesken.
Qazir «Tri samýraia» dámhanasy jabylǵan.
«Oqiǵa boiynsha «Sanitarlyq erejeler men gigiena normalaryn buzý» baby boiynsha qylmystyq is qozǵaldy», - dep tolyqtyrdy vedomstvodan.
