Atyraý oblysynda sot qaýlysyn oryndamaǵan 24 sheteldik elden shyǵaryldy, dep habarlaidy "Ult aqparat".
Oblystyq Politsiia departamentiniń qyzmetkerleri «Migrant» jedel-profilaktikalyq is-sharasyn ótkizip jatyr.
«Atalǵan is-sharanyń maqsaty – qyzmet kórsetiletin aýmaqta sheteldikterge tiisti baqylaýdy kúsheitý. Sondai-aq, Qazaqstan zańnamasyn júieli túrde buzatyn sheteldikterdiń QR «Azamattyq protsestik» kodekstiń talabyna sáikes elden shyǵyp ketýin qamtamasyz etý», - deidi oblystyq Politsiia departamentiniń bastyǵy Qamza Úmbetqaliev.
Onyń aitýynsha, Qazaqstan Respýblikasynyń kóshi-qon zańnamasyn buzyp, el aýmaǵynan óz erkimen shyǵyp ketý jónindegi sottyń qaýlysyn oryndamai júrgen Ózbekstan Respýblikasynyń 24 azamaty anyqtalǵan. Politsiia qyzmetkerleri sheteldikterdi elden májbúrlep shyǵarý sharasyn júrgizdi.
Eske sala ketelik, budan buryn Atyraýda quqyq buzǵan 50 sheteldik elden shyǵarylǵanyn jazǵan bolatynbyz.
