اتىراۋ وبلىسىندا سوت قاۋلىسىن ورىنداماعان 24 شەتەلدٸك ەلدەن شىعارىلدى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸنٸڭ قىزمەتكەرلەرٸ «ميگرانت» جەدەل-پروفيلاكتيكالىق ٸس-شاراسىن ٶتكٸزٸپ جاتىر.
«اتالعان ٸس-شارانىڭ ماقساتى – قىزمەت كٶرسەتٸلەتٸن اۋماقتا شەتەلدٸكتەرگە تيٸستٸ باقىلاۋدى كٷشەيتۋ. سونداي-اق, قازاقستان زاڭناماسىن جٷيەلٸ تٷردە بۇزاتىن شەتەلدٸكتەردٸڭ قر «ازاماتتىق پروتسەستٸك» كودەكستٸڭ تالابىنا سەيكەس ەلدەن شىعىپ كەتۋٸن قامتاماسىز ەتۋ», - دەيدٸ وبلىستىق پوليتسييا دەپارتامەنتٸنٸڭ باستىعى قامزا ٷمبەتقاليەۆ.
ونىڭ ايتۋىنشا, قازاقستان رەسپۋبليكاسىنىڭ كٶشٸ-قون زاڭناماسىن بۇزىپ, ەل اۋماعىنان ٶز ەركٸمەن شىعىپ كەتۋ جٶنٸندەگٸ سوتتىڭ قاۋلىسىن ورىنداماي جٷرگەن ٶزبەكستان رەسپۋبليكاسىنىڭ 24 ازاماتى انىقتالعان. پوليتسييا قىزمەتكەرلەرٸ شەتەلدٸكتەردٸ ەلدەن مەجبٷرلەپ شىعارۋ شاراسىن جٷرگٸزدٸ.
ەسكە سالا كەتەلٸك, بۇدان بۇرىن اتىراۋدا قۇقىق بۇزعان 50 شەتەلدٸك ەلدەن شىعارىلعانىن جازعان بولاتىنبىز.
