Atyraý oblysynda 1 myńnan astam edilbai tuqymdy qoi tiridei janyp ketti, dep habarlaidy QazAqparat.
Órt Qurmanǵazy aýdanynyń Súiindik aýyldyq okrýgine qarasty Jalǵyzapan aýylyna jaqyn mańynda bolǵan.
Jalynnan «Súiindik qoi zaýyty» JShS-niń 1 myńnan astam edilbai tuqymdy qoiy tiridei janyp ketken.
Aýyl turǵyndarynyń aitýynsha, órt Resei Federatsiiasyndaǵy Astrahan oblysynyń aýmaǵynda tutanǵan. Keiin Atyraý oblysyna jaiylǵan.
Seriktestiktiń shopany Ýálihan Qabdrahmanovtyń aitýyna qaraǵanda, úiine jaqyndaǵan kezde jel kúsheiip, órt órshigen.
«Ózim balalar jatqan úige áreń júgirip jettim. Úidiń ainalasyndaǵy shóp janyp ketti. Sonyń saldarynan 1 039 qoidan aiyryldym. Onyń ishinde óz ieligimdegi malym da bar», - deidi Ýálihan Qabdrahmanov.
Qurmanǵazy aýdanynyń tótenshe jaǵdailar bóliminiń málimetinshe, qurǵaq shóp órtengen. Resei Federatsiiasynyń aýmaǵynan taraǵan órtti sóndirýge 30 adam men 4 tehnika tartylǵan.
Jalyndy aýyzdyqtaýǵa Súiindik jáne Jalǵyzapan aýyldarynyń turǵyndary da atsalysqan.
«Qurǵaq shóptiń órtenýinen «Súiindik qoi zaýyty» JShS-niń 1 myńnan astam edilbai tuqymdy qoiy janyp ketti. Sońǵy aptada aýyl mańynda úsh ret órt tirkeldi. Órtke kúnniń qatty ysýy sebep bolyp otyr», - deidi Súiindik aýyldyq okrýginiń ákimi Qanat Qulsharov.
Órtengen 1 myńnan astam qoidyń óleksesi Jalǵyzapan aýyly mańynan qazylǵan shuńqyrǵa kómilgen. Qazir órtten kelgen shyǵyn kólemi eseptelip jatyr.
Edilbai tuqymdy qoiynyń salmaǵy 145 kelige deiin tartady. Tórt ailyq qozysynyń salmaǵy – 40-45 keli. Bul quiryqty ári etti qoi tuqymyna jatady.
