اتىراۋ وبلىسىندا 1 مىڭنان استام ەدٸلباي تۇقىمدى قوي تٸرٸدەي جانىپ كەتتٸ, دەپ حابارلايدى قازاقپارات.
ٶرت قۇرمانعازى اۋدانىنىڭ سٷيٸندٸك اۋىلدىق وكرۋگٸنە قاراستى جالعىزاپان اۋىلىنا جاقىن ماڭىندا بولعان.
جالىننان «سٷيٸندٸك قوي زاۋىتى» جشس-نٸڭ 1 مىڭنان استام ەدٸلباي تۇقىمدى قويى تٸرٸدەي جانىپ كەتكەن.
اۋىل تۇرعىندارىنىڭ ايتۋىنشا, ٶرت رەسەي فەدەراتسيياسىنداعى استراحان وبلىسىنىڭ اۋماعىندا تۇتانعان. كەيٸن اتىراۋ وبلىسىنا جايىلعان.
سەرٸكتەستٸكتٸڭ شوپانى ۋەليحان قابدراحمانوۆتىڭ ايتۋىنا قاراعاندا, ٷيٸنە جاقىنداعان كەزدە جەل كٷشەيٸپ, ٶرت ٶرشٸگەن.
«ٶزٸم بالالار جاتقان ٷيگە ەرەڭ جٷگٸرٸپ جەتتٸم. ٷيدٸڭ اينالاسىنداعى شٶپ جانىپ كەتتٸ. سونىڭ سالدارىنان 1 039 قويدان ايىرىلدىم. ونىڭ ٸشٸندە ٶز يەلٸگٸمدەگٸ مالىم دا بار», - دەيدٸ ۋەليحان قابدراحمانوۆ.
قۇرمانعازى اۋدانىنىڭ تٶتەنشە جاعدايلار بٶلٸمٸنٸڭ مەلٸمەتٸنشە, قۇرعاق شٶپ ٶرتەنگەن. رەسەي فەدەراتسيياسىنىڭ اۋماعىنان تاراعان ٶرتتٸ سٶندٸرۋگە 30 ادام مەن 4 تەحنيكا تارتىلعان.
جالىندى اۋىزدىقتاۋعا سٷيٸندٸك جەنە جالعىزاپان اۋىلدارىنىڭ تۇرعىندارى دا اتسالىسقان.
«قۇرعاق شٶپتٸڭ ٶرتەنۋٸنەن «سٷيٸندٸك قوي زاۋىتى» جشس-نٸڭ 1 مىڭنان استام ەدٸلباي تۇقىمدى قويى جانىپ كەتتٸ. سوڭعى اپتادا اۋىل ماڭىندا ٷش رەت ٶرت تٸركەلدٸ. ٶرتكە كٷننٸڭ قاتتى ىسۋى سەبەپ بولىپ وتىر», - دەيدٸ سٷيٸندٸك اۋىلدىق وكرۋگٸنٸڭ ەكٸمٸ قانات قۇلشاروۆ.
ٶرتەنگەن 1 مىڭنان استام قويدىڭ ٶلەكسەسٸ جالعىزاپان اۋىلى ماڭىنان قازىلعان شۇڭقىرعا كٶمٸلگەن. قازٸر ٶرتتەن كەلگەن شىعىن كٶلەمٸ ەسەپتەلٸپ جاتىر.
ەدٸلباي تۇقىمدى قويىنىڭ سالماعى 145 كەلٸگە دەيٸن تارتادى. تٶرت ايلىق قوزىسىنىڭ سالماعى – 40-45 كەلٸ. بۇل قۇيرىقتى ەرٸ ەتتٸ قوي تۇقىمىنا جاتادى.
