Atyraý oblysyna Vero Cell vaktsinasynyń 10 myń dozasy jetkizildi, jep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, búgin, Atyraý oblysynyń farmatsevtika qoimasyna Vero Cell vaktsinasynyń alǵashqy 10 myń dozasy jetkizildi. Vaktsinanyń 5 myń dozasy I komponent, 5 myń dozasy II komponent.
«Qazir Qytai vaktsinasyn aimaqtaǵy egpe beketterine bólý júrip jatyr. Vero Cell vaktsinasyn 17 tamyzdan bastap oblystyń 15 egpe beketinde saldyrýǵa bolady. Vaktsinanyń eki komponenti arasyndaǵy interval 21-28 kún» - dep habarlady basqarma basshysy Ashan Baidýáliev.
Onyń aitýynsha, qytailyq Vero Cell vaktsinasyn Atyraýdaǵy №1,2,3,4,5,7-qalalyq jáne Geolog emhanasynda, sondai-aq, 7 aýdandyq ortalyq aýrýhanada alýǵa bolady.
